Ndikumana Innocent uzwi ku izina ry’ubuhanzi rya Cyogere Alton yavukiye mu karere ka Kicukiro mu murenge wa Gikondo, nyuma yo gukora indirimbo zisanzwe bakunze kwita satura music bikanga, kuri ubu, ubuhanzi bwe yabwerekeje ku indirimbo zihimbaza Imana.
Uyu muhanzi yamenyekanye cyane mu mwaka wa 2016 ubwo yari ari mu bitabiriye irushanwa ryamenyekanye cyane ryitwaga Abbey rising star ryategurwaga na Abbey media group. Uyu muhanzi Cyogere Alton yaje kwegukana umwanaya wa gatatu muri iri rushanwa.
Nyuma yaho atagize amahirwe yo kwegukana iri rushanwa yaje guhindura icyerekezo yerekeza mu nzu y’Imana yakira agakiza aho kuri ubu ari umuramyi mu itorero rya Faith Builders church riherereye Kimisange mu karere ka Kicukiro mu murenge wa Kigarama. Kuri ubu uyu muhanzi yatangiye urugendo rwo gutanga ubutumwa bwiza abinyujije mu ndirimbo akaba yizeza abafana be ko bitegura kwakira indirimbo nziza akaba abasaba kumuba hafi bakamushyigikira muri uru rugendo.
Kuri ubu indirimbo “Urugendo” ikaba yaramaze gusohoka, akaba iri indirimbo irimo amagambo afasha aba kristu gukomera mu gakiza no kwihanganira ibigeragezo.
Kubifuza kumva iyi ndirimbo nziza cyane mu ijwi ryiza ry’umuhanzi Cyogere Alton mwayisanga hano
