Uruganda rwa Adidas rumenyereweho gukora inkweto zigezweho n’imyenda ahorwibanda cyane cyane ku bikoresho bya Sport rwakoze inkwito izajya yambarwa n’ifarashi ihagaze miliyoni 1.2 Frw.
Inkuru dukesha CNN umunyabugeni witwa Marcus Floyd ariwe wahanze iyi nkweto ku bufatanye n’ikigo cy’ubukerarugendo cya Lexington muri gahunda yiswe VisitLex.
Mu kwitegura isiganwa ry’amafarasi rizwi nka “Breeder’s Cup” riteganyijwe kubera muri Lexington muri uku kwezi,hakozwe izi nkweto mu rwego rwo kwita kubakiriya batunze ifarashi.
Abakiliya bazifuza bamaze gushyirirwaho uburyo batangira kuzibona, aho iza make zihagaze agera ku 1200 y’amadolari ya Amerika, ni ukuvuga asaga miliyoni 1.2Frw.
Floyd abinyuijije ku mbungankoranyambaga yagaragaje ko atewe ishema nizi nkweto ashimangira ko zihari kandi zambarwa.
Yagize ati “sintekereza ko hari n’umwe muri twe wari uzi ko ibintu byagera kuri uru rwego.”
