Ishimwe Dieudonne uzwi nka Prince Kid na Iradukunda Elsa wabaye Nyampinga w’u Rwanda mu 2017 basezeranye imbere y’amategeko nyuma y’ibibazo bitoroshye baciyemo.
Uyu muhango wabereye mu Murenge wa Rusororo mu karere ka Gasabo kuri uyu wa 2 Werurwe 2023.
Amakuru nuko Prince Kid na Miss Elsa Iradukunda bari basabye ko basezerana mu ibanga, ntihafatwe amafoto n’amashusho. Abitabiriye nabo ntabwo bari bemerewe gufata amafoto.
Urukundo rwa Prince Kid na Iradukunda Elsa rwavuzwe cyere ariko bo ubwabo bakabigira ibanga ariko nyuma yaho Kid ahuriye nibibazo agafungwa Miss Elsa yerekanye ko afitiye urukundo rukomeye Kid ndetse aranamwitangira kuburyo abantu benshi bifuje ko aba bakwibanira akaramata.
Hari amakuru yavugaga ko umwaka ushize ubwo Prince Kid yatabwaga muri yombi yari yaramaze gufata irembo kwa Miss Iradukunda Elsa.
Amakuru ahari nuko aba bombi bafitanye ubukwe muri uku kwezi kwa Werurwe 2023 nubwo ku rundi ruhande bikomeje kuvugwa ko yaba yarabusubitse kuko Ubushinjacyaha buherutse kujuririra icyemezo cyo kumugira umwere.
Imana izahe umugisha aba bombi kuko bagaragaje urukundo rudasanzwe cyane ko burya inshuti uyibona mu byago.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu.
Tubafitiye n’ibitabo by’abana iby’ikinyarwanda , igifaransa n’icyongereza . Uramutse wifuza kugurira umwana wawe igitabo watwandikira kuri : sopublishers@gmail.com cyangwa ukaduhamagara kuri : Tel: +250783203433,, +250783399900
