Umugabo w’imyaka 42 witwa Michael Haight yishe abana be batanu, umugore we na nyirabukwe abarashe na we ahita yirasa, aya marorerwa yabereye mu mujyi wa Enoch City muri Utah muri Leta zunze Ubumwe za Amerika.
Ubuyobozi bwa Enoch City kuri uyu wa Kane bwatangaje ko uwo mugabo yiyahuye nyuma yo kwica abantu barindwi. Polisi yavumbuye imirambo yabo nyuma yo gutabazwa ngo hamenyekane amakuru y’uwo muryango.
Itangazo ry’ubuyobozi rikomeza rivuga ko basanze abantu umunani bapfuye bose bafite ibikomere by’amasasu. Abana batanu bari bafite imyaka hagati y’ine na 17. Umugore wa Michael Haight yari afite imyaka 40 naho nyirabukwe afite imyaka 78.
Enoch City ni umujyi muto utuwe n’abantu 7000 uherereye mu Majyepfo ashyira Uburengerazuba bwa Utah. Ibyakozwe n’uyu mugabo bishimangira uburyo muri Leta Zunze Ubumwe za Amerika abantu bakomeje kwicwa barashwe aho nibura abarenga 46,000 ku mwaka bapfa bazize imbunda.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu.
Tubafitiye n’ibitabo by’abana iby’ikinyarwanda , igifaransa n’icyongereza . Uramutse wifuza kugurira umwana wawe igitabo watwandikira kuri : sopublishers@gmail.com cyangwa ukaduhamagara kuri : Tel: +250783203433,, +250783399900.
