Bwiriza Nonati umusifuza wasifuye umukino wahuje Rayons Sport na Mukura yahagaritwe n’ Ishyirahamwe rya Ruhago mu Rwanda, FERWAFA, imikino itandatu kubera kwanga igitego cya Rayon Sports.
FERWAFA ifashe icymezo nyuma y’iminsi irindwi yijeje ubutabera abafana ba Rayon Sports bababajwe n’igitego cyanzwe mu mukino iyi kipe yanganyijemo na Mukura Victory Sports 1-1 kuri Stade ya Huye.
Mukura na Rayon Sports bakinaga umuino w’umunsi wa 17 wa Shampiyona, ukaba wari wakiriwe na Mukura ku wa Gatandatu, tariki ya 28 Mutarama 2023.
Muri uyu mukino igice cya mbere kijya kurangira, ku munota wa mbere muri ibiri yari yongereweho ku minota 45, Umunyezamu Sebwato Nicholas yakuyemo umupira, rutahizamu w’Umunya-Mali, Moussa Camara, awusubiza mu izamu, inshundura ziranyeganyega.
Umusifuzi wo ku ruhande Bwiriza Nonati yahise azamura igitambaro yerekana ko habayeho kurarira, igitego cyangwa gutyo. Mu mashusho yaje kusakara hose nyuma y’uko gitego cyanzwe, yagaragaje ko hatigeze habaho kurarira.
Munyakazi Sadate ibinyujije kuri Twitter, yagaragaje agahinda ke, ariko Umunyamabanga wa FERWAFA, Muhire Henry, amwizeza ko ubuyobozi burajwe ishinga n’icyo kibazo.
Uyu musifuzi si ubwa mbere ahanwe kubera amakosa yakoze mu kazi kuko no mu mwaka ushize, yoherejwe gusifura muri Shampiyona y’Abagore nyuma y’amakosa yakoze.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu.
Tubafitiye n’ibitabo by’abana iby’ikinyarwanda , igifaransa n’icyongereza . Uramutse wifuza kugurira umwana wawe igitabo watwandikira kuri : sopublishers@gmail.com cyangwa ukaduhamagara kuri : Tel: +250783203433,, +250783399900
